{"id":105382,"date":"2023-10-13T15:16:36","date_gmt":"2023-10-13T13:16:36","guid":{"rendered":"https:\/\/woordfees.co.za\/uncategorized\/louise-viljoen-en-s-j-naude\/"},"modified":"2023-10-13T15:16:36","modified_gmt":"2023-10-13T13:16:36","slug":"louise-viljoen-en-s-j-naude","status":"publish","type":"post","link":"https:\/\/woordfees.co.za\/en\/easyequities-writers-festival-news\/louise-viljoen-en-s-j-naude\/","title":{"rendered":"Louise Viljoen en S.J. Naud\u00e9"},"content":{"rendered":"\t\t
\n\t\t\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t
RESENSIE<\/h6>\t\t\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t

Oor vaders en landskappe\n\n\n<\/h2>\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

deur Joan Hambidge<\/b>
Skrywersgesprek: Louise Viljoen en S.J. Naud\u00e9<\/strong>
Foto’s: Verskaf<\/b><\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t
\n\t\t\t
<\/div>\n\t\t<\/div>\n\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

Onderhoude met skrywers is dikwels onbehaaglik. Of die vraesteller praat te veel of die skrywer is verdedigend, want ander skrywers sit en luister.\u00a0<\/span>In die gesprek tussen Louise Viljoen en S.J. Naud\u00e9 was daar \u2019n besondere balans. Viljoen was voorbereid en Naud\u00e9 het elke vraag duidelik en intellektueel beantwoord. Skrywer van <\/span>Alfabet van die vo\u00ebls, Die derde spoel <\/span><\/i>en<\/span> Dol heuning.\u00a0<\/span><\/i><\/p>

Hy het dadelik gereageer op die spanning tussen die roman versus die kortverhaal. Naud\u00e9 beoefen albei genres. Romans in ons moderne tyd word deur die media en uitgewers as die groot kuns beskou. Ofskoon, soos ons weet, van die grootste skrywers in Afrikaans het die kortverhaal (kortkuns) meesterlik beoefen: Aucamp, De Vries, Koos Prinsloo\u2026<\/span><\/p>

Viljoen het hom ook gevra oor vaderskap. En hierop het hy briljant geantwoord oor hoe ons vaderskap dalk anders kan bedink. Telkens is \u2019n mens bewus van die skrywer se siening dat die lewe deur die mag van die fantasie \u00e1nders beskou kan word.<\/span><\/p>

Die tekstuur van ruimtes en landskap het eweneens aan bod gekom. Die Vrystaat se landskap (die plaas) teenoor die Noordelike Halfrond. Lokaliteit speel in <\/span>Van vaders en vlugtelinge<\/span><\/i> \u2019n uiters belangrike rol. Viljoen as kenner van kosmopolitiese letterkunde en hoe grense verander het, kon hierop reageer. Die outeur het lank gewerk in die Noordelike Halfrond en ken dus daardie w\u00eareld goed.<\/span><\/p>

As regsgeleerde, merk hy grappig op, het hy dikwels groot stede gesien deur \u2019n taxi-ruit.<\/span><\/p>

Ook le\u00eb ruimtes is betrek en die kuns van Agnes Martin (1912 \u2013 2004)<\/a>. Die minimalisme wat uitwaaier en ander implikasies aktiveer. Sy het haar rug gekeer op die w\u00eareld en tog bly ons steeds hierop reageer.<\/p>

Gebore in Kanada en werksaam in New York, leef sy later in Nieu-Mexiko. Haar werk is bekend ook vir die spiritualistiese onderbou<\/a>.<\/p>

Die plaas, verlatenheid, <\/span>Eenzaamheid<\/span><\/i>, die testament en bepalings is eweneens bespreek. Die vader wat die seun dwing om terug te keer plaas toe wat dan \u2019n ander spanning skep.\u00a0<\/span><\/p>

En die neef wat dan weer op sy beurt Dani\u00ebl dwing om die jong siek kind Japan toe te neem vir mediese behandeling. Hier in Japan word \u2019n nuwe verbintenis geskep, wat komplekse vrae stel oor gay-identiteite en maskuliniteite. Die vader was aangetrokke tot sy familielid, maar dit is nooit uitgeleef nie. Kinders wat dan hulle ouers se drome en versugtinge kan beleef.<\/span><\/p>

Viljoen wys op die dun vlies tussen w\u00earelde: liminaliteite.<\/span><\/p>

Hoe ironies, merk sy op, dat die neef se vrou hom verlaat vir die slagter op die dorp.<\/span><\/p>

Verlatings, verliese, verdriet \u2013 verder uitgewerk in die mediese spesialis se lewe wat sy kinders verloor het in die tsoenami in Japan.<\/span><\/p>

Die figuur Hein, wat die kind steel en die leser met ongelooflike ellende laat, aktiveer \u2019n taboe in die moderne letterkunde, aldus Naud\u00e9: \u2019n kind mag nie doodgaan nie. Britse uitgewers veral hou nie hiervan nie.<\/span><\/p>

Die teks gee \u2019n pynlike blik op demensie en eindes. Daardie vlie\u00ebnier sal nooit herstel nie. Hy is nie net \u201cVerlore in Maleisi\u00eb \u201d nie, maar ook \u201clost in translation\u201d.<\/span><\/p>

Die vo\u00ebl wat \u2019n boodskap bring\u2026<\/span><\/p>

Louise Viljoen vra hom dan ook om passasies te lees uit sy boek. En daardie kragtige slot.<\/span><\/p>

Wat hierdie gesprek in die besonder uitwys: \u2019n Mens moet nogmaals weer hierdie uitmuntende teks lees. Is dit \u2019n roman? Of dalk verskillende kortverhale wat <\/span>apart<\/span><\/i> gelees kan word? Die boek word wel as roman bemark.<\/span><\/p>

Daar is vele kuns en filmverwysings. En Musiek.\u00a0<\/span><\/p>

Vol sub-teks. Beelde wat herhaal word bykans geskryf met \u2019n digterlike hand. Dani\u00ebl en Theon en Hein en Motlale \u2026<\/span><\/p>

Vaders wat vlugtelinge word.<\/span><\/p>

\u2019n Meestersklas was dit oor \u2019n boek wat geweld, kinderdiefstal, gay-identiteite, verskillende landskappe en \u2019n veranderde w\u00eareld karteer.<\/span><\/p>