{"id":105386,"date":"2023-10-14T08:53:19","date_gmt":"2023-10-14T06:53:19","guid":{"rendered":"https:\/\/woordfees.co.za\/uncategorized\/byster\/"},"modified":"2023-10-14T08:53:19","modified_gmt":"2023-10-14T06:53:19","slug":"byster","status":"publish","type":"post","link":"https:\/\/woordfees.co.za\/en\/fringe\/byster\/","title":{"rendered":"Byster"},"content":{"rendered":"\t\t
\n\t\t\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t
RESENSIE<\/h6>\t\t\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t

Kyk d\u00ede white girlie met gutts<\/h2>\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

deur Herschelle Benjamin<\/b><\/strong>
Produksie: Byster<\/strong>
Foto’s: Pierre Rommelaere en Nardus Engelbrecht<\/b><\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t
\n\t\t\t
<\/div>\n\t\t<\/div>\n\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

Dit moet sekerlik nie altyd maklik wees om \u2019n jong wit vrou in hierdie land te wees nie. Dit kan wees dat jy daardie klassifikasie met sy stereotipes, totaal en al vermy, of nie terugstaan om in \u2019n drama daaroor te speel nie. Dit is tog wie jy is, en wat jy vir altyd sal wees \u2013 \u2019n white girlie<\/em>! En dis okay<\/em>, sommige van julle is beaulah<\/em>. Wel, hopelik een wat altyd bewus is van haar voorregte en \u2019n soepelheid besit om saam met die tye te beweeg. Een wat haarself altyd uitdaag en haar eie spore probeer uittrap.\u00a0<\/p>\n

Die white girlie <\/em>in Byster<\/em> is Lara Hattingh. Sy vertolk \u2019n naamlose jong wit vrou wat terugkyk op haar kortstondige lewe en daaruit probeer sin maak \u2013 oor hoe sy gekom het waar sy tans is. Ons ontmoet haar terwyl sy haar woonstel van vier jaar oppak. Sy trek iewers heen. Sy sluit \u2019n hoofstuk af. Sy moet aanbeweeg. Maar voordat sy dit kan doen, moet sy herbesin oor die verlede en die pad vorentoe. Hiermee is \u2019n universele en eksistensi\u00eble krisis, waarin baie laat twintig jariges hulle soms bevind, gestel. Na die kinder-, skool- en universiteitsdae wonder \u2019n mens of jy werklik die mens geword het wat jy gedink het jy sal wees. Dis hierdie verwikkeldheid wat jou in staat stel om met die white girlie <\/em>te kan vereenselwig..\u00a0<\/p>\n

Maar haar lewe is heelwat anders \u2013 sy het drome van \u2019n kunstenaarsloopbaan in die vermaakbedryf, sy het liefdesteleurstellings beleef wat dalk skadelik vir haar selfbeeld was, sy het die label <\/em>as \u201cspoiled brat\u201d wat aan haar toegesnou word, sy het vriende in die bedryf wat haar al misbruik en misken het en sy herleef pynlike pitches <\/em>vir befondsing om nuwe projekte te begin waarin sy onbeskaamd haarself kan wees. Oral loop stukkies hoop uit op doodloopstrate en op ander plekke word sy tot die besef gedwing dat haar storie net nie goed genoeg sal wees nie. Dis te vanilla<\/em>. Die verwerping wat sy oral kry, laat haar verlore en gebroke.\u00a0\u00a0<\/p>\n

Hattingh as haarself bied \u2019n reis van introspeksie met die stuk. Die gehoor word getuies van \u2019n aktrise wat outobiografies haarself kom neerl\u00ea en torring om die galg net so weer te gee. Dit vat guts<\/em>! En daarvoor werk sy kliphard om simpatie en empatie te wek. En dis \u2019n moeilike taak \u2013 want daardie dinge word nie altyd vryelik aan white girlies <\/em>gegee nie. Jy moet werk daarvoor. (Nes ons almal anders.) Maar Byster <\/em>is geslaagd daarin dat dit met \u2019n sensitiwiteit en hiperbewustheid gedoen word.\u00a0<\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t

\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

Dis hier waar die stuk op sy beste werk \u2013 \u2019n liriese teks wat vlakke van po\u00ebsie, komedie en (soms) walglikheid vasvang. Daar is \u2019n teer oomblik wanneer Hattingh se karakter uiteindelik haar ouma se marbies <\/em>kry. Maar sy maak die oomblik net te gou \u2013 ek wou amper vra dat sy nog \u2019n paar minute die gehoor vashou saam met haar in daardie oomblik. Dis \u2019n klein oomblik, maar s\u00f3 belangrik.\u00a0<\/p>

Hattingh is deurgaans op haar beste met die komiese gedeeltes. Weggooi-lyne waarmee sy haar gehoor laat skater! \u2019n Mens soek soms meer hiervan. Sy behou jou aandag in vertelling en haar stem is goed gegrond. Soms is die spoed van vertelling net \u2019n rapsie te vinnig maar dit kan aangepas word.\u00a0<\/p>

Die moeilike deel van die stuk is vir my die verhooginkleding. Hoewel die realistiese voorstelling van \u2019n sitkamer en bokse aan die kant voldoende is vir hierdie speelvlak, is daar moontlikhede in haar teks vir \u2019n meer po\u00ebtiese aanslag. Dalk moet \u2019n buite-oog daarmee help. Stelontwerpers sal moontlikhede kan bied wat doeltreffender sal wees. Haar beligtingsontwerp is indrukwekkend vir \u2019n Fringe-stuk en jy kan sien die besluite is deurdag geneem.\u00a0<\/p>

Ek vermoed ook dat die stuk ietwat korter kan wees. Daar\u2019s staaltjies in die middel wat dalk gesny kan word. Maar wees versigtig met die snoeisk\u00ear om nie die vleis te verloor nie.<\/p>

Laastens, hier\u2019s \u2019n waardige stuk van \u2019n jong kunstenaar wat uiteindelik begin om haar eie plekkie in die son oop te grawe. Mag sy aanhou woeker en nooit weer voel dat sy nie goed genoeg is nie. Sy\u2019s die white girlie <\/em>van Durbanville met hart en guts<\/em> en talent! Daarin l\u00ea haar dryfkrag.<\/p>