Die Toyota US Woordfees se tema vir 2023 is pas bekend gemaak saam met die datum van die programbekendstelling vir vanjaar se fees.<\/p>\n\n\n\n
Die nuwe feestema is Borrel, wat \u2019n verskeidenheid assosiasies en betekenismoontlikhede inhou. <\/p>\n\n\n\n
\u201cEnersyds verwys dit na speelse bruising en drif, \u2019n swewende, dromerige gevoel, onskuldige kinderpret met seepbelle, en die lekker ou Nederlandse woord vir \u2019n partytjie waar die silwer borrels in Bolandse vonkelwyn graag geniet word,\u201d s\u00ea die direkteur van die Toyota US Woordfees, Saartjie Botha.<\/p>\n\n\n\n
\u201cAan die ander kant herinner dit ook aan Stellenbosch en die Universiteit Stellenbosch wat volgens sommige kritici en besorgde inwoners \u2019n \u2018bubble\u2019 is wat in bevoorregte ontkenning van die werklikhede van die groter Suid-Afrika leef. Hoewel \u2019n borrel \u2019n brose membraan het, \u2019n weerlose grens wat kortstondig die verskil tussen binne en buite bepaal, is Stellenbosch se skeidslyne histories opgestel en finansieel verskans.<\/p>\n\n\n\n
\u201cOok binne die kunste het \u2019n borrel twee konnotasies. Die verbeelding maak dit vir kunstenaars moontlik om mense vir \u2019n kosbare wyle van swaartekrag te bevry en na \u2019n nuwe droomw\u00eareld te verplaas. Die kunste het egter ook die belangrike vermo\u00eb en verantwoordelikheid om die borrels van persepsies te bars en ons s\u00f3 aan nuwe werklikhede bloot te stel en die bewussyn te verruim. By die Woordfees wil ons feesgangers die geleentheid gee om salig weg te dryf, maar ook om hulself uit te daag en nuwe perspektiewe te verken. Ons is opgewonde om binnekort \u2019n feesprogram te deel wat \u2019n ryk verskeidenheid van geleenthede tot ontvlugting \u00e9n besinning oor ingewikkelde werklikhede sal bied,\u201d s\u00ea Botha.<\/p>\n\n\n\n
Die program sal by \u2019n spesiale geleentheid op die aand van 22 Junie bekend gestel word en sal dan vanaf 23 Junie vir die algemene publiek beskikbaar wees \u2013 tweetalig op die Woordfees se webwerf en as \u2019n gratis gedrukte Afrikaanse feesgids in die Woordfeeskantoor en by ander geselekteerde boekwinkels en biblioteke. Die feesgidsboekie sal daarbenewens in PDF-formaat van die webwerf afgelaai kan word. \u2019n Aflaaibare PDF van die volledige program in Engels sal ook op die webwerf beskikbaar wees.<\/p>\n\n\n\n