Die menseregteprokureur en konflikbemiddelaar Roger Chennells deel besonderse stories uit sy lewe en loopbaan – van bonatuurlike ervarings en hofdramas tot interaksies met kleurryke karakters wat ongewone posisies in die samelewing beklee. Roger boekstaaf onder meer sy werk rondom die regte van minderheidsgroepe soos die San, die Pitjantjatjara van Australië en Jamaica se Rastafariërgemeenskap. Erns Grundling vra Roger uit oor die skaamtelose teelepeldief, die saggeaarde gangster met die juweelversierde tande en die San-leier wat sigarette smous.
11 – 19 Okt 2025
