E. (Sussie) Kotze vier 90

Afrikaans
60 Minute

12 Oktober

13:00
R75 | R100 by die deur (met ’n gratis glas vonkelwyn)

Kom klink ’n glasie op Sussie Kotze, haar nuwe roman, Hulle noem haar Carminda, én haar 90ste verjaarsdag op 17 Oktober saam met die gesprekvoerder, Isabella Niehaus. Die storie begin waar die skipper Mias Mulder uit Walvisbaai terugkeer na Ei-Land aan die Weskus nadat hy hoor ’n ander man kuier by sy verloofde. Hy leen ’n motorfiets en kom op die lang tog ’n vrou, Carminda, teë wat gestrand is en ’n geleentheid soek. Sy klou styf agterop die motorfiets aan hom vas. Geleidelik word haar hartseer herkoms bekend. ’n Verhaal van liefde wat – byna – alles bedek deur dié geliefde Weskusskrywer. Dean Balie lees voor.

Aangebied deur Kwela