Ian Roberts is ’n Suid-Afrikaanse ikoon. Sy rol as Sloet Steenkamp in die TV-reeks Arende, die immergewilde karakter Boet van die Castrol-olie-advertensies en sy musiekloopbaan as voorman van die Radio Kalahari Orkes het van hom volksbesit gemaak. In Is dit jý? Avonture voor en agter die skerms kan lesers die mens agter die bekende gesig en stem leer ken. Die geliefde aktrise Susanne Beyers gesels met Ian oor sy lewe in die kollig en weg daarvan.
