’n Gevreesde bendeleier word ná sewe jaar op parool vrygelaat. Het Map Jacobs verander of is hy steeds ’n geweldenaar? ’n Gesins- en gemeenskapsdrama wat afspeel teen die agtergrond van gedwonge verskuiwings uit die Kaap na die Vlakte. Die stuk gee ’n blik op die leefwyse van ontworteldes in ’n stelsel wat veral die weerloses faal, hulle lief en leed, en die desperate hunkering na ’n beter bestaan.
Die filmvertoning word gevolg deur ’n vraag-en-antwoordsessie gerig op gr. 12-leerlinge wat vir die matriekeksamen voorberei.
