Niël Rademan het 20 jaar gelede gedebuteer met herinterpretasies van liedjies soos “Sawends” deur Jan Pohl en Danie Bosman se immergroen “Boereseun”. Vanjaar keer hy terug na sy wortels met ’n versameling nuwe liedere, vertalings en musiek uit sy eie pen wat jou wegvoer op die maat van swing, tango, samba en selfs ’n setees. (Ge)stroop is vars, opwindend en word in ‘n kleinkunsstyl aangebied. Hy sing, vertel stories van sy pad tot hier en begelei homself op klavier en trekklavier – net soos jare gelede.
