’n Nostalgiese belewenis van jou kinderdae se speletjies is opgesluit in ons uitstalling van speelgoed en kinderspel. Of jy grootgeword het met “Aljander”, wegkruipertjie of vroteier, of jy met lappoppe, porseleinpoppe, Barbie, tol, albaster of kleilat gespeel het, iets van elk sal jy hier kry. Dis soms nodig om te onthou hoe ons gespeel het voordat rekenaarspeletjies en ander elektronika ons wêreld oorgeneem het.
