Ná die skielike dood van sy broer keer Louw terug na die gesin se kleinhoewe. Hy en sy enigste oorlewende familielid, sy pa, Gert, het ’n stram verhouding. Ou wonde word oopgekrap soos hulle die waarheid probeer vermy deur mekaar te toets, blameer en beledig. Maar die waarheid bruis binne ’n enorme witstinkhoutboom, wat al dekades lank getuie is van alles wat op dié lappie familiegrond gebeur. ’n Storie oor ’n pa en seun wat sukkel om mekaar te vind.