In dié gratis gesprekke gesels die Woordfees-direkteur en dramaturg Saartjie Botha, en ander kenners, met teatermakers wat gesorg het vir van die opwindendste produksies op vanjaar se fees.
Die veelgeprese dog omstrede aanbieding van Shakespeare se klassieke tragedie Othello ondersoek temas soos rassisme, manipulasie, liefde en die vernietigende gevolge van twyfel en misverstande. Prof. Pumla Gobodo-Madikizela gesels met die regisseur Lara Foot en van die spelers in die stuk.
