Die musikant Jerome Adams vlieg Kaap toe vir sy vervreemde pa se begrafnis waar hy ontdek hy erf sy pa se geliefde Goema Club en die Klopsegroep The Umbrella Men. Hy vind ook uit die klub se reuse-oortrekkingsfasiliteit moet binne twee weke vereffen word, anders gaan die bank dit terugneem ná ’n verdagte ooreenkoms met Tariq Cupido, ’n ou vyand van die familie. Jerome besluit om die einste bank te beroof gedurende die Klopse-karnaval, as duisende mense die strate invaar en sy groep teen Tariq se The Maulers te staan gaan kom…