Die toekoms wink. Bekende rolmodelle en alumni van genooide skole gesels met voornemende studente en motiveer hulle om eendag hulle drome aan die US te kom verwesenlik. Daarna gee Afrikaans-spesialiste van die WKOD wenke oor hoe om ’n NSS-vraestel vinnig en suksesvol kaf te draf. Ná ’n sessie oor tersiêre studie aan die US deur die Sentrum vir Studentewerwing ontmoet leerders bekende akteurs, met ’n WOW-gesprekleier wat vrae uit die gehoor fasiliteer. Spesiale gaste gesels met almal voordat daar musiek gemaak word. Agterna kuier almal saam by WOW se 21ste verjaardagpartytjie in die Jan Maraispark.
