Troula Goosen wou van kindsbeen af skryf. Ná jare as binneversierder op Riversdal in die Wes-Kaap het sy in 2008 ’n skryfkursus voltooi en nou lewer sy kortverhale en novelles vir opvoedkundige uitgewers. In 2016 het sy ’n ATKV-Woordveertjie ontvang vir Spooksoene, haar eerste vollengte jeugverhaal. Haar reeks jeugromans Raaiselster, Raaiselsee en Raaiselklip rrrol van die tong af en sy bied nou self slypsessies aan in kreatiewe skryfwerk aan die hand van dié boeke.
