Voel jy lus om ’n bietjie rond te mors op papier? Kom speel saam en skep ’n zine vir die Woordfees se eerste zinefees. Publiseer self jou poësie, fan fiction, collages, sosiale teorieë of interessante gedagtes oor interseksionele feminisme of jou gunstelingmusiekmakers en kom deel jou skepping met ander zine-kunstenaars. Betrek jou kring van eendersdenkende geeste en druk julle gemeenskaplike idees oor enigiets uit, maak ’n paar eksemplare met ’n fotostaatmasjien en gee jou gedagtes papiervlerke. Stuur ’n e-pos na program@woordfees.co.za om deel te neem, of kom blaai deur die zines in die speletjieskamer.
