Kom ons kry net eers die kritiek uit die pad: Wanneer jou produksie vir ’n fees goedgekeur word en jy kry die Drostdy-teater om in te speel, moet jy die erns van die saak verstaan. Bring ’n produksie – nie net die liedjies wat julle gewoonlik sing en speel nie. ’n Produksie.

Dalk is dit omdat ek al jare hierdie klippie in my skoen het dat ek dit nou weer ophaal. Ek sê nie elke liewe groep of sanger moet ’n hele song and dance bring nie, maar bring ten minste iets vir feesgangers wat hulle nie keer op keer gaan sien of reeds gesien het nie. Werk aan ’n bindingsteks, wees voorbereid, neem die ruimte in ag. Respekteer jou gehoor en die fees.

In die feesgids word Kom wat wil onder meer beskryf as: “Ná die sukses van die bekroonde produksie Eet kreef! Herleef keer dié duo terug met ’n vertoning vol nuwe musiek en stories. Dit beloof om ’n onvergeetlike aand van nostalgie te wees, maar bring ook nuwe perspektiewe”. Daar was beslis nie genoeg daarvan nie.