11 – 19 Oct 2025
11 – 19 Oct 2025
Deur: Ilza Roggeband
Foto: Nardus Engelbrecht
Om ’n fees so groot soos die Toyota Stellenbosch Woordfees bymekaar te sit is ’n enorme taak. Om almal op die regte tyd op die regte verhoog te kry is ’n Excel-blad wat ek nie wil aandurf nie.
By vanjaar se fees was daar ’n magdom mense wat dit reggekry het om vele hoede te dra en hulle kom almal in aanmerking vir die Duracell-hasie-toekenning én ’n paar ander. Onder die benoemdes tel:
Die wenners in die onderskeie kategorieë is:
Die Veel-veel-veelsydigheid-toekenning gaan aan Wian Taljaard vir sy spel in die kinderproduksie Woordedief, die drama Boklied en die eenmanstuk Ont-.
Die Ek’s nie Barbie-toekenning gaan aan Tinarie van Wyk Loots vir haar spel in Huis van Sand en regie van ’n Begin en Moedswil en muitery. Sy het ook tyd op die fees gehad om publisiteit te doen vir die kykNET-reeks Appels en tee wat Dinsdagaand begin en waarin sy een van die hoofrolle speel.
Die Meer as een hoed-toekenning gaan aan Wessel Pretorius. Hy was in
Die #mybreinstoorwoorde-toekenning gaan aan Albert Pretorius vir sy spel in Moedswil en muitery en Ek is nie Danie. Hy was ook in Abu Dhabi vir Othello en begin môre aan ’n nuwe Afrikaanse komediereeks werk.
En… die Duracell-hasie-toekenning gaan aan…
Schalk Joubert!
Ek is nie Danie, Die storie van Vivaldi se “Vier seisoene”, die laatnag Afterpaartie-konserte by die Khaya-kafee, Die Vyftigers, saam met Sima Mashazi in ’n jazzkonsert, Frank Opperman: Oppermanaf, Sonografie en in die band vir Valiant Swart se konsert. Net onder die 30 keer op die verhoog in 9 dae, altyd ’n glimlag en ’n vriendelike woord, en nie één noot uit plek nie. Respek!
Met opregte dank aan elke speler, musikant, kaartjieverkoper, feesganger, pendeldiensbestuurder, klankman, skiewie, koffiemaker, boekverkoper, wynskinker, borg, skrywer, rapper, Woordfees-spanlid, regisseur, toiletrolvervanger, sanger, danser, plakkaatopsitter, stelbouer, venuebestuurder en kaartjietjekker.
Tot volgende jaar.
