Haar loopbaan begin op 19, by die TV-sepie 7de Laan. Sy besef sy was waarskynlik heeltemal te groen en te jonk vir die relentlessness van daai worsmasjien. Ook, soos met alle akteurs en aktrises, het die onsekerheid geknaag as sy nie ’n rol kry nie, maar nou glo sy karakters kies jou. Sy weet sy het eers in die laaste twee jaar haar stem én selfvertroue gevind. En kom ons wees eerlik, it shows. Kyla in Wyfie, Ria [die vrou van Beer Adriaanse se karakter, André] in Niggies en Zené in Die nuusmakers. As spirituele mens glo sy ook dat die regte goed gebeur op die regte tyd, soos nou met Huis van sand.

“Die stuk is heavy. Elke keer as ek van die verhoog af klim, beleef ek ’n emotional release. Ek dink almal sal op ’n manier kan relate met ’n stukkie van die trauma, of dit nou die toxicity van die verhoudings is of die violence of wat ook al.”

Dianne Du Toit Albertze se bekroonde teks was en bly vir haar ’n wake-up call. “Ek het besef, vanuit my eie bevoorregte posisie, dat ek die meeste van my eie trauma en toxicity gekies het; dis nie vir my gegee nie. I chose it, en as ek nie self kies om die vicious cycle te breek nie, gaan ek dit ook vir die volgende generasie aangee.” En verder: “Geniet is seker nie die regte woord nie, want die uitdaging is groot, maar ná hierdie gaan daar tien teen een ’n stukkie van myself op die verhoog bly lê. Ek gaan ’n korreltjie bly in die huis van sand.”