Koffiekan: Bach se Koffiekantate (in Afrikaans) en ander Afrikaanse koffietreffers

Sedert koffie die eerste keer in Europa sy verskyning gemaak het, het dit mense betower. J.S. Bach se komiese Koffiekantate (Schweigt stille, plaudert nicht, BWV 211) dateer uit die 1730’s en kan beskou word as kommentaar op dié verslawing. In Koffiekan word kommentaar gelewer op die koffiekultuur van Stellenbosch en die gehoor word op ’n avontuur van komiese koffieliedjies geneem wat menige koffiesnob in hul espresso sal laat stik!