Lojaliteitsprogram

Die Stellenbosch Woordfees-lojaliteitsprogram is ’n eksklusiewe geleentheid vir lojale ondersteuners van die fees om saam met ander feesgangers ’n unieke en betekenisvolle feeservaring te beleef en so ook ons volhoubaarheid te verseker. Die lojaliteitsprogram bied verskillende vlakke van betrokkenheid aan lojaliteitslede – nie net as teken van ondersteuning nie, maar ook as ’n persoonlike belegging in kultuur en ’n viering van gemeenskap en die kunste. 

Feesdriftige

R5 000 ’n jaar

’n Feesdriftige is ’n aanhanger van die energie en gemeenskap wat die Woordfees deur die kunste na Stellenbosch bring. Jou bydrae help om die volhoubaarheid van die fees te verseker en om aan jou ’n selfs beter ervaring by die fees te verskaf.

Voordele:

  • Toegang tot die Stellenbosch Woordfees se digitale feesprogram een week voordat dit aan die publiek bekend gestel word (20 Junie 2025).
  • Ontvang die gedrukte feesgids gratis per koerier vanaf 26 Junie 2025.
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Een pendeldienskaartjie, geldig vir die volle duur van die fees (11 – 19 Oktober 2025).
  • 20% afslag op 75 uitgesoekte produksies: 16 Spier Toneel, 2 Dans, 16 Klassieke musiek, 11 Toyota Musiekfees en 30 EasyEquities Skrywersfees.
Lees meer

Feesmaats

R8 500 ’n jaar, geldig vir twee mense

Die Woordfees is ’n gemeenskapsaffêre waar vriende, familie, paartjies en nuwe maats die ervaring kan deel. Deel die vreugde met ’n maat of vra hulle om by jou in te haak.

Voordele:

  • Toegang tot die Stellenbosch Woordfees se digitale feesprogram een week voordat dit aan die publiek bekend gestel word (20 Junie 2025).
  • Ontvang die gedrukte feesgids gratis per koerier vanaf 26 Junie 2025.
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag op 75 uitgesoekte produksies: 16 Spier Toneel, 2 Dans, 16 Klassieke musiek, 11 Toyota Musiekfees en 30 EasyEquities Skrywersfees.
Lees meer

Woordfeesweldoener

R40 000 ’n jaar, geldig vir twee mense.

’n Weldoener is besorgd oor die lewenskragtigheid van die kunstebedryf. Werksgeleenthede en die welstand van kunstenaars is vir hulle belangrik. Hulle belê in die volhoubaarheid en uitbou van die bedryf.

Voordele:

  • BBP-parkering by die US Museum (feeskern) vir een voertuig, geldig vir die volle duur van die fees (11 – 19 Oktober 2025).
  • Toegang tot die Stellenbosch Woordfees se digitale feesprogram een week voordat dit aan die publiek bekend gestel word (20 Junie 2025).
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Persoonlike aanbevelings oor die feesprogram met eksklusiewe toegang tot die Woordfeeskaartjieskantoor vir vroeë bespreking.
  • Twee uitnodigings na:
    – Programbekendstelling (kry jou feesgids hier)
    – Visuele kuns-opening
    – Stellenbosch Woordfees-langtafel
    – Spesiale funksie vir Woordfeesweldoeners
  • Persoonlike verblyfbespreking teen die onderhandelde Stellenbosch Woordfees-tarief.
  • Eksklusiewe toegang vir twee tot die Stellenbosch Woordfees se BBP-lokaal vir die volle duur van die fees, etes ingesluit (11 – 19 Oktober 2025).
  • Spring lang rye vry – kry prioriteitstoegang by feeslokale met twee spesiale BBP-akkreditasiekaarte.
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag vir twee op 75 uitgesoekte produksies: 16 Spier Toneel, 2 Dans, 16 Klassieke musiek, 11 Toyota Musiekfees en 30 EasyEquities Skrywersfees.
Lees meer

Feesfilantroop

R100 000 ’n jaar

’n Feesfilantroop is ’n entoesias, maat, weldoener, held. Belê in die Woordfees se volhoubaarheid as platform vir die uitvoerende kunste, werkskepping, gemeenskap en diversiteit.

Voordele:

  • Twee BBP-parkeerplekke by die US Museum (feeskern) vir twee voertuie, geldig vir die volle duur van die fees (11 – 19 Oktober 2025).
  • Toegang tot die Stellenbosch Woordfees se digitale feesprogram een week voordat dit aan die publiek bekend gestel word (20 Junie 2025).
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Persoonlike aanbevelings oor die feesprogram met eksklusiewe toegang tot die Woordfeeskaartjieskantoor vir vroeë bespreking.
  • Twee uitnodigings na:
    – Programbekendstelling (kry jou feesgids hier)
    – Visuele kuns-opening
    – Stellenbosch Woordfees-langtafel
    – Spesiale funksie vir Feesfilantrope
    Twee uitnodigings na ’n eksklusiewe ontbytsessie met kunstenaars en lede van die Stellenbosch Woordfees-direksie
  • Persoonlike verblyfbespreking teen die onderhandelde Stellenbosch Woordfees-tarief.
  • Eksklusiewe toegang vir twee tot die Stellenbosch Woordfees se BBP-lokaal vir die volle duur van die fees, etes ingesluit (11 – 19 Oktober 2025).
  • Spring lang rye vry – kry prioriteitstoegang by feeslokale met twee spesiale BBP-akkreditasiekaarte.
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag vir twee op 75 uitgesoekte produksies: 16 Spier Toneel, 2 Dans, 16 Klassieke musiek, 11 Toyota Musiekfees en 30 EasyEquities Skrywersfees.
  • Jy maak dit moontlik vir 40 leerders (van jou keuse van skool) om ’n produksie by die Stellenbosch Woordfees by te woon.
  • Die opsie om jou naam in die feesgids of op die webwerf te laat plaas.
Lees meer

Algemene vrae

Enigeen wat die Stellenbosch Woordfees ondersteun in ons strewe om kultuur en gemeenskap te vier, is welkom om aan te sluit.

Lidmaatskap is geldig vir die 2025-feesjaar en kan hernu word vir 2026.

Voordele soos vroeë toegang tot die digitale feesprogram, kaartjiebesprekings en afslagkodes kan vanaf 20 Junie 2025 benut word. Gedrukte feesgidse sal eers vanaf 26 Junie 2025 per koerier versend word. Feesvoorbokke ontvang hul feesgids by die programbekendstelling. Uitnodigings na funksies sal nader aan die betrokke geleenthede gestuur word, en alle funksiedatums sal betyds aan lede gekommunikeer word.

Nee, lidmaatskap is persoonlik (of van toepassing op die twee persone in die geval van die Feesmaats- en Woordfeesweldoeners-pakkette) en kan nie aan iemand anders oorgedra word nie.

Lede ontvang 20% afslag op debuut en uitgesoekte produksies in die volgende genres: EasyEquities Skrywersfees, Toyota Musiekfees, Spier Toneel, Dans en Klassieke musiek. Jy sal ’n unieke afslagkode ontvang wat jy op Quicket moet gebruik wanneer jy jou kaartjies bespreek. Die kode sal teen 20 Junie 2025 aan jou gestuur word en is geldig tot 19 Oktober 2025. Die afslagskode is slegs geldig vir twee kaartjies per produksie.

Lede kan kaartjies bespreek van 20 tot 25 Junie 2025, een volle week voordat die algemene publiek toegang kry. Jy sal ’n unieke kode met instruksies teen 19 Junie 2025 ontvang om jou besprekings te maak.

Lede ontvang die gedrukte feesgids per koerier vanaf 26 Junie 2025. Pendeldienskaartjies sal per e-pos of op aanvraag by ’n afhaalpunt beskikbaar wees voor die fees begin.

Die BBP-lokaal is ’n eksklusiewe ruimte waar Woordfeesweldoeners en Feesfilantrope verversings kan geniet en ontspan in die teenwoordigheid van kunstenaars, feesvennote en bedryfsrolspelers. Toegang vereis ’n spesiale akkreditasiekaart (akkreditasiekaarte kan een week voor die fees afgehaal word).

Indien jy nie kan bywoon nie, laat weet ons asseblief so spoedig moontlik sodat ons plek aan iemand anders kan aanbied. Ongelukkig is uitodigings na funksies nie vir geld verhandelbaar nie. Uitnodigings is ook nie oordraagbaar nie.

Bepalings en voorwaardes

Stellenbosch Woordfees-lojaliteitsprogram: Bepalings en voorwaardes

Hierdie bepalings en voorwaardes is van toepassing op alle deelnemers aan die Stellenbosch Woordfees-lojaliteitsprogram. Deur aan te sluit by die program, stem jy in tot die volgende reëls en riglyne:

Algemeen

  • Die lojaliteitsprogram is ’n jaarlikse intekening wat geldig is vir die 2025-fees.
  • Lidmaatskap is persoonlik en nie oordraagbaar nie.
  • Alle pakkette is onderhewig aan beskikbaarheid en kan sonder kennisgewing gewysig word

Lidmaatskap en betaling

  • Volle betaling moet geskied ten tyde van inskrywing tot ’n pakket om toegang tot voordele te verseker.
  • Geen terugbetalings van lidmaatskap sal gemaak word nie, behalwe indien die 2025-fees nie kan plaasvind nie.

Voordele
Voordele verskil per pakket en is duidelik uiteengesit in die onderskeie pakkette.

  • Afslag op kaartjies geld slegs vir uitgesoekte produksies en is onderhewig aan beskikbaarheid.
  • Pendeldiens-kaartjies, BBP-akkreditasie en uitnodigings na funksies word op vasgestelde datums uitgereik en is nie oordraagbaar of verhandelbaar nie.
  • Feesgidsaflewerings en vroeë toegang tot digitale inligting is onderhewig aan die akkuraatheid van die kontakbesonderhede verskaf.

Eksklusiewe geleenthede en toegang

  • Uitnodigings na spesiale geleenthede (bv. Woordfees-langtafel, BBP-ontbyt) is eksklusief aan lede van toepaslike pakkette en bywoning moet bevestig word voor die aangeduide sperdatum.
  • Die Stellenbosch Woordfees behou die reg voor om toegang tot funksies of voordele te weier indien die bepalings oortree word.


Verantwoordelikhede van lede

  • Lede is verantwoordelik om akkuraat en betyds te kommunikeer rakende hul besprekings en voorkeure ten einde volle benutting van hul pakket te geniet.
  • Lede onderneem om die waardes van die Stellenbosch Woordfees na te kom in hulle deelname.

Veranderings en kansellasies

  • Die Stellenbosch Woordfees behou die uitsluitlike reg voor om enige deel van die lojaliteitsprogram, insluitend pakkette, voordele of tydlyne, te verander of te kanselleer.
  • Enige wesenlike veranderinge sal betyds aan lede gekommunikeer word.


Privaatheid
Alle persoonlike inligting wat ingesamel word sal uitsluitlik gebruik word vir kommunikasie met lojaliteitslede en sal nie aan derdepartye verkoop of versprei word nie. Lede gee toestemming dat hul persoonlike inligting deur die Stellenbosch Woordfees gestoor word.