Strauss & Co: Masterclass on Irma Stern

Die hoogaangeskrewe kunshistorikus dr. Alastair Meredith, hoof van Strauss & Co se kunsdepartement, bied ‘n meesterklas aan oor Irma Stern, Suid-Afrika se voorste modernistiese kunstenaar.

Die praatjie val saam met die tentoonstelling Irma Stern: A Modern Artist Between Berlin and Cape Town by die Brücke-museum in Berlyn. Alastair bespreek Stern se bydrae aan die hand van Strauss & Co se parallelle tentoonstelling Seeing Ourselves: South African Portraits Past and Present wat Stern se nalatenskap vier met ‘n keur van belangrike werke uit plaaslike en internasionale versamelings.