Moonlit Menagerie

Waar op aarde kom ’n mens binne minder as ’n uur ’n koei, tier, nagtegaal, mot, merel, duif, swaan, by, vis, ratelslang, griffioen, twee ooievaars én twaalf slakke teë? Net in Moonlit Menagerie, natuurlik! In hierdie vindingryke kunslieduitvoering word die aweregse kindergedigte in Jake Heggie se Songs to the Moon deur Johannes Brahms se romantiese 8 Lieder und Gesänge Op. 58 uitgebalanseer. Bykomend tot die twee sentrale werke is liedere van Hugo Wolf en Reynaldo Hahn waarin die maan en diereryk voorkom.