Afterpaartie: Albert Frost-trio

Met Albert Frost Trio

Die blues-rock-virtuoos Albert Frost en sy trio laat die verhoog behoorlik vlamvat met hul rou energie en wêreldklas-musiek wat ’n laataandvertoning in ’n besonderse ervaring omskep.

Elke feesdag het daardie oomblik wanneer die laaste verhooglig uitdoof en die skare huis toe gaan, maar jý, jý is nog lank nie reg om te gaan slaap nie. Moenie vrees nie: Die Toyota Stellenbosch Woordfees het vanjaar die perfekte kuierplek vir siele wat nie maklik rus vind nie. Kom kuier van Maandag tot Saterdag om 22:00 by die Afterpaartie – ’n laatnag-geleentheid waar die musiek aanhou lank nadat die formele program klaar is. Van Suid-Afrika se voorste blues-, rock- en jazzkunstenaars gaan sorg vir vonke.