Wat jy moet weet

• Die Toyota Stellenbosch Woordfees is kontantloos.
• Vir navrae oor kaartjies, kontak support@quicket.co.za | 021 424 9308.
• Sodra jy vir ’n kaartjie betaal het, kan jy dit nie omruil of jou geld terug eis nie, behalwe wanneeer ’n produksie gekanselleer word. In die geval van kansellasies van vertonings of verandering van venues, sal Quicket jou direk per e-pos/SMS kontak. 
• Geen terugbetaling van kaartjiegelde sal toegestaan word indien jy laat vir ’n vertoning opdaag en die venue se deure reeds gesluit is nie, met die gevolg dat jy die vertoning misloop.

• ’n Geldige kaartjie, hetsy in gedrukte of digitale formaat, word vir toegang tot alle vertonings benodig.
• Hou asseblief jou kaartjie gereed om by die ingang van elke venue geskandeer te word.
• Sodra ’n kaartjie geskandeer is, kan dit nie weer gebruik word vir toegang tot dieselfde vertoning nie.
• Buiten vir vertonings by die Jan Marais-natuurreservaat en The Daisy Jones Bar, sluit die die deure van alle venues sodra die vertoning begin en sal geen laatkommers toegang tot die lokaal verkry nie. 
• Buiten vir kinderteater word geen uit- en inloop tydens ’n vertoning toegelaat nie.
• Geen kinders onder die ouderdom van 18 word sonder ouertoesig by The Daisy Jones Bar toegelaat nie.
• Toegang vir kinders onder die ouderdom van 7 is gratis by die Jan Marais-natuurreservaat.
• Geen kos of drankies wat nie by die venues gekoop is nie, word by die venue toegelaat nie.

• Maak asseblief waar moontlik gebruik van die Toyota Pendeldiens om die verkeersdruk in die dorp te verlig en om te verseker dat jy betyds by vertonings aankom. 
• Gebruik slegs aangeduide parkeerareas om die pendeldiens te gebruik.
• Volg asseblief alle rigting-, veiligheids- en inligtingsborde tydens die fees en by venues.
• Kaartjies vir die pendeldiens kan aanlyn gekoop word by Quicket, of in person by die Toyota Stellenbosch Woordfees se kaartjiekantoor, of by pendel-punte (Kochstraat of Ryneveldstraat). Indien jy jou kaartjie by Quicket gekoop het, moet jy dit laat skandeer by die pendelpunte in ruil vir ’n toegangsbandjie. 
• Pendeldiensgebruik is vir jou eie risiko – jy vrywaar dus die fees en pendeldiensdrywers van enige verantwoordelikheid vir beserings aan jou persoon of vir verlies van jou besittings.
• ’n Daaglikse of weeklikse pendelbandjie is ’n vereiste om die pendeldiens te kan gebruik.
• Kunstenaars en BBP-gaste moet hul akkreditasie toon om die pendeldiens te kan gebruik.
• Geen alkohol, dwelms, wapens, glashouers of rook (insluitend vapes) word in die pendelsdiensvoertuie toegelaat nie.
• Volg asseblief die instruksies van die pendeldiensdrywers en die feespersoneel.

• By die Spaar Bar kan jy halfpryskaartjies koop vir sekere vertonings wat binne vier uur plaasvind. Byvoorbeeld as jy 9:00 by die Spaar Bar is kan jy halfpryskaartjies koop vir sekere vertonings tot en met 13:00 daardie dag. 

• Die Spaar Bar is van 11 tot 19 Oktober van 09:00 tot 15:00 oop by Erfurthuis, Ryneveldstraat 37, Stellenbosch. 

• Hierdie aanbieding sluit leefstyl-items waar kos en drank bedien word, uit.
• In die laaste uur wat die Spaar Bar oop is, van 15:00 tot 16:00, is sekere kaartjies vir die res van daardie dag halfprys.
• Slegs van toepassing op sekere produksies.
• Afslag is nie van toepassing op kaartjies wat by ander feesvenues gekoop word nie.
• Tydsbestuur is belangrik om teleurstelling weens lang rye te voorkom.

Alle verlore items moet of by die venue waar dit gevind is aan die venuebestuurder oorhandig word of by die Woordfeeskantoor (Erfurthuis) ingehandig word. Indien jy iets verloor het, doen asb navraag daaroor by die venue of by die Erfurthuis. 

• Persone onder die ouderdom van 18 word nie toegelaat om alkohol tydens die fees of by vertonings te gebruik of aan te koop nie. ID-kontrole sal by alle kroeë toegepas word.
• Geen alkohol wat buite die feesterrein aangekoop is, word op die feesterrein toegelaat nie.

Geen wapens of gevaarlike items word op enige plek tydens die fees toegelaat nie.

Die gebruik, besit of verkoop van onwettige dwelms is streng verbode.

Rook, insluitend e-sigarette en vapes, word slegs in aangeduide rookareas toegelaat. Rook word nie in enige binnenshuise venues toegelaat nie.

• Help ons om die fees skoon te hou deur van die voorsiene vullis- en herwinningsdromme gebruik te maak.
• Moenie enige eiendom, strukture of natuurlike elemente by enige van die feesvenues beskadig nie.

• Respekteer en volg alle instruksies van sekuriteits- en veiligheidspersoneel.

• Vir enige mediese noodgeval, soek asseblief onmiddellik vir die mediese beampte aan diens.

• Wees bewus van jou omgewing, moenie op enige strukture of heinings klim nie en rapporteer enige veiligheidsgevare of verdagte gedrag aan personeel.