Ateljeebesoeke: GUS-galery

GUS-galery, hoek van Dorp- en Birdstraat

Kabous Hanslam
Kabous Hanslam is ’n kontemporêre kunstenaar wat spesialiseer in skilderkuns en beeldhou. Sy werk ondersoek die queer liggaam as “houkamer” met ingangswonde na herinnering, begeerte en skaamte.

Ron Sauerman
Ron Sauerman is ’n boekbinder en kunstenaar wat meestal met skilderkuns en boekmaak werk. Sy praktyk ondersoek die liggaam deur middel van gevonde materiale, voorwerpe en boekstrukture. Sy werk is gewortel in sy transmanlike ervaring en ondersoek hoe liggame gelees en beleef word deur vel, tekstuur, kwesbaarheid en die ruimtes wat ons lywe inneem.

Ulriche Jantjes
Ulriche Jantjes gebruik skilderkuns en drukwerk om te besin oor erfenis en identiteit, soos dit in plek manifesteer. Met haar wortels in Elim, ’n Morawiese sendingdorp in die Overberg, trek sy blywende maar vloeibare verbindings tussen dié landskap en haar gevoel van erfenis en behoort. Jantjes se werk is diep persoonlik, maar deur haar peinsende uitbeeldings in olieverf bereik dit ook ’n gevoel van die universele en byna mitiese, en nooi die kyker om oor hulle eie plek, verlede en hede na te dink.

Vincent Engelbrecht
Vincent Engelbrecht gee sy idees lewe deur drukkuns en sketse, veral deur koperplaat-etswerk. Sy werk ondersoek die droomwêreld en magiese realisme. Hy maak sy idees ’n werklikheid met liggaamlike ervarings en glo aan die geïnternaliseerde wysheid van die hand.