Dave Pepler se jongste boek gaan oor verandering. Komplekse stelsels, selfs eenvoudiges, is stabiel totdat iets dit beïnvloed en die ganse stelsel ’n faseverandering ondergaan. Ys word water, water word stoom. Dit geld ook vir die mens. Eendag is ons stabiel en gelukkig; die volgende dag verpletter. Eendag is ons gesond en sterk; die volgende siek of geestelik gebroke. Smelt speel in op hierdie subtiele verskynsel – fases in die natuur en by die mens. Natasha Harmse gesels met Pepler.