Die geskiedenis van resepteboeke

Ontdek die fassinerende geskiedenis van Suid-Afrikaanse resepteboeke in hierdie boeiende praatjie deur die skrywer, entrepreneur en amateur-historikus Frans de Villiers, skrywer van Die geskiedenis van braaibroodjies. Kom leer meer oor van die oudste plaaslike resepteboeke en manuskripte wat nog bestaan, met spesiale aandag aan publikasies rondom die eeuwisseling, die invloedryke werke van C. Louis Leipoldt, die verskynsel van resepte uit ou tydskrifte soos Huisgenoot, en die opkoms van braairesepteboeke as ’n unieke kultuurverskynsel. Die gesprek bied ’n ryk blik op ons kos, kultuur en geskiedenis.