Die storie van sauvignon blanc

Kom luister in hierdie boekgesprek-en-wynproe saam met bekroonde Stellenbosse wynmakers na onvertelde stories van Suid-Afrikaanse sauvignon blanc – van vars kusstyle tot komplekse wyne met uitstekende verouderingspotensiaal. Dit is ‘n kultivar wat plek, styl én die wynmaker se hand weerspieël. Die gesprek word geanker deur die koffietafelboek The Story of South African Sauvignon Blanc, met honderd stories en die besonderse sauvignon blanc-aromawiel met 72 geurprofiele. Kaartjies sluit ’n boek én proe in – ’n woord-en-wyn-móét vir alle liefhebbers van sauvignon blanc.