Elogio de la Danza/ In Praise of Dance

In dié visueel en ouditief boeiende produksie deur vier vooraanstaande vrouekunstenaars word die kunstenaarskap en elegansie van ballet en die intensiteit van kontemporêre flamenco-dans gekombineer met die ryk en virtuose klanke van klassieke kitaar en viool. Gehore word oor vier eeue se musiek weggevoer – van die majestueuse J.S. Bach en eteriese Arvo Pärt tot ’n opwindende huldeblyk aan Igor Stravinsky en sy Die lente-offer. Maak jou reg vir kragtige danssolo’s en opwindende, dinamiese pas de deux.