In sy element

Gilbert Gibson maak ná ’n dekade sy terugkeer tot die literêre toneel met vloei/stof, ’n bundel waarin hy met taal en vorm speel om vervreemding teweeg te bring. Herman Wasserman debuteer as digter met Waterman, ’n toeganklike, innemende bundel waarin die digter in soepel, gevoelige taal sy persoonlike ervarings verwoord én in gesprek tree met digters wat hom voorafgegaan het. Gilbert Gibson praat met Louise Viljoen oor vloeibaarheid, water en die ander elemente wat die twee bundels in gemeen het, en lees ook voor, en ons speel klankopnames van voorlesings deur Herman Wasserman.