Kamphoer – die verhaal van Susan Nell

In Kamphoer – die verhaal van Susan Nell, vertolk Sandra Prinsloo die uitdagende rol van Susan Nell wat gedurende die Anglo-Boereoorlog in die Winburg-konsentrasiekamp verkrag en vir die dood agtergelaat is, maar wie se paaie later weer met dié van haar verkragter kruis. Die drama is geskoei op die topverkoper-debuutroman Kamphoer deur Francois Smit en die niefiksie-publikasie The Boer Whore deur Nico Moolman. Prinsloo lewer ’n kragtoer in hierdie eenvroudrama onder regie van die veelbekroonde, internasionaal gerekende Lara Foot. Die stuk het verskeie pryse ingepalm, onder meer ’n kykNET Fiësta-toekenning.