Met woord en lied

Met die Kaapstadse Kamerkooro.l.v.Antoinette Huyssen

Met woord en lied is ‘n volledige Afrikaanse a cappella-program. Verwag bekende en nuwe toonsettings wat verder verryk word deur Frieda van den Heever, wat van die berymings voorlees. Komposisies en verwerkings deur onder andere S. Le Roux Marais, H. Pieter van der Westhuizen, Chris Lamprecht, Niel van der Watt en Renette Bouwer is ingesluit. Hans Huyssen se “Spelend in tuine”, ’n toonsetting van een van vier kwatryne deur Ina Rousseau, sal ook vir die eerste keer uitgevoer word.