Resonans-gespreksreeks: Deel, gee en neem

Vroeër vanjaar was daar drama in die Withuis. Woorde soos “volksmoord” en “grondgryp” is kwistig rondgegooi, terwyl Julius Malema “Kill the Boer” uitbasuin. Wat beteken dit om te deel in ’n land waar ongelykheid so diep gewortel is? Is “deel” onlosmaaklik verbind aan “neem” indien daar nie genoeg gegee word nie? En hoe klink die evangelie as dit praat van deel – as uitnodiging of as bedreiging?