Strauss & Co: Irma Stern

Hierdie is die première van uittreksels van die eerste vollengte-rolprent oor die lewe en werk van Irma Stern. Die film bevat seldsame argiefmateriaal van belangrike Arabiese skilderye wat Stern in die 1940’s op haar reise geskilder het, klankopnames waarin die kunstenaar oor haar werk gesels asook onderhoude met die laaste mense wat haar persoonlik geken het. Die film is vervaardig deur Anne en Tessa Graaff met die filmmaker Sean O’Sullivan as projekleier. Amanda Botha, wat by die filmprojek betrokke is, sal ’n kort inleidende praatjie lewer.