The Daisy Jones Bar: Jan Blohm Live

Na drie jaar is Jan Blohm uiteindelik weer terug by Daisy Jones, en hierdie keer bring hy die hele band saam vir ’n volbloed rock show as deel van die Woordfees se Toyota Musiekfees.

Jan Blohm is een van daai kunstenaars wat jy nie sommer met iemand anders kan verwar nie. Vir meer as twee dekades meng hy blues, rock, poësie en rou emosie in songs wat jou soms hard tref en wat soms net lekker by jou kom sit. Van “Breyten se brief” en “Ruby” tot “O, my engel”, “Jenny” en sy nuwer werk, het Jan ’n unieke plek in die Afrikaanse alternatiewe musiekwêreld. Jan Blohm is terug in volle rock-modus. Met die band. En dis ‘n standing show. Drie jaar is ’n lang tyd. Kom maak seker jy’s daar wanneer hy weer die Daisy Jones-verhoog aanpak.