Jazz by die Konserve: Awaken & Siba Gysman Project

MetAWAKEN JAZZ PROJECT: Henco Bester (saxofoon), Kyle Damons(klavier), Logan Jantjies(baskitaar), Caleb Dlamini (tromme)SIBA GYSMAN PROJECT: Sibabalwe Gobe-Gysman (fluit), Melisizwe Plaatjie(klavier),Malibongwe ‘Pizzo’ Magatyana(kontrabas), Stuart Martin(tromme)

Ervaar ‘n tweeledige jazzkonsert met lede van die US-jazzafdeling, vars van die verhoë by die Montreux-jazzfees Franschhoek, die KKNK en die Suidoosterfees. Die Awaken Jazz Project, trotse wenner van die 2025 US Nasionale Ensemblekompetisie se ope kategorie, open die konsert met opgewekte Suid-Afrikaanse werke en oorspronklike komposisies, en dit word gevolg deur die Siba Gysman Tribute Project wat ‘n huldeblyk lewer aan Bheki Mseleku en Afrika Mkhize waarin die jazzfluit die kollig steel. Bring jou instrument saam, want elke aand word afgesluit met ‘n lewendige jam-sessie saam met die kunstenaars.

Saamgestel deur Ramon Alexander, Vicky Davis

In samewerking met die Endler-konsertreeks, US Departement Musiek