Lojaliteitsprogram

Die Stellenbosch Woordfees-lojaliteitsprogram is ’n eksklusiewe geleentheid vir lojale ondersteuners van die fees om saam met ander feesgangers ’n unieke en betekenisvolle feeservaring te beleef en so ook ons volhoubaarheid te verseker. Die lojaliteitsprogram bied verskillende vlakke van betrokkenheid aan lojaliteitslede – nie net as teken van ondersteuning nie, maar ook as ’n persoonlike belegging in kultuur en ’n viering van gemeenskap en die kunste. 

R5 000 ’n jaar

Feesdriftige

’n Feesdriftige is ’n aanhanger van die energie en gemeenskap wat die Woordfees deur die kunste na Stellenbosch bring. Jou bydrae help om die volhoubaarheid van die fees te verseker en om aan jou ’n selfs beter ervaring by die fees te verskaf.

Voordele: *

  • Gedrukte feesgids
  • Vroeë toegang
  • Pendeldiens
  • 20% afslag: uitgesoekte programitems
Sien alle voordele
Laai in mandjie

*Sien asseblief alle voordele voordat jy ’n pakket koop.

R8 500 ’n jaar

Geldig vir twee mense

Feesmaats

Die Woordfees is ’n gemeenskapsaffêre waar vriende, familie, paartjies en nuwe maats die ervaring kan deel. Deel die vreugde met ’n maat of vra hulle om by jou in te haak.

Voordele: *

  • 2 x Gedrukte feesgids
  • 2 x Vroeë toegang
  • 2 x 20% afslag
  • 20% afslag: uitgesoekte programitems
Sien alle voordele
Laai in mandjie

*Sien asseblief alle voordele voordat jy ’n pakket koop.

R40 000 ’n jaar

Geldig vir twee mense

Woordfeesweldoener

’n Weldoener is besorgd oor die lewenskragtigheid van die kunstebedryf. Werksgeleenthede en die welstand van kunstenaars is vir hulle belangrik. Hulle belê in die volhoubaarheid en uitbou van die bedryf.

Voordele: *

  • BBP-parkering
  • Vroeë en eksklusiewe toegang
  • Persoonlike verblyfbespreking
  • 20% afslag op uitgesoekte programitems en spring lang rye vry
Sien alle voordele
Laai in mandjie

*Sien asseblief alle voordele voordat jy ’n pakket koop.

R100 000 ’n jaar

Feesfilantroop

’n Feesfilantroop is ’n entoesias, maat, weldoener, held. Belê in die Woordfees se volhoubaarheid as platform vir die uitvoerende kunste, werkskepping, gemeenskap en diversiteit.

Voordele: *

  • BBP-parkering
  • Vroeë en eksklusiewe toegang
  • Persoonlike verblyfbespreking
  • 20% afslag op uitgesoekte programitems en spring lang rye vry
Sien alle voordele
Laai in mandjie

*Sien asseblief alle voordele voordat jy ’n pakket koop.

Algemene vrae

Enigeen wat die Stellenbosch Woordfees ondersteun in ons strewe om kultuur en gemeenskap te vier, is welkom om aan te sluit.

Lidmaatskap is geldig vir die 2025-feesjaar en kan hernu word vir 2026.

Voordele soos vroeë kaartjiebesprekings en afslagkodes kan vanaf 20 Junie 2025 benut word. Gedrukte feesgidse sal vanaf 26 Junie 2025 per koerier versend word. Woordfeesweldoeners ontvang hul feesgids by die programvoorskou. Uitnodigings na funksies sal nader aan die betrokke geleenthede gestuur word, en alle funksiedatums sal betyds aan lede gekommunikeer word.

Nee, lidmaatskap is persoonlik (of van toepassing op die twee persone in die geval van die Feesmaats- en Woordfeesweldoeners-pakkette) en kan nie aan iemand anders oorgedra word nie.

Lede ontvang 20% afslag op debuut en uitgesoekte produksies in die volgende genres: EasyEquities Skrywersfees, Toyota Musiekfees, Spier Toneel, Dans en Klassieke musiek. Jy sal ’n unieke afslagkode ontvang wat jy op Quicket moet gebruik wanneer jy jou kaartjies bespreek. Die kode sal teen 20 Junie 2025 aan jou gestuur word en is geldig tot 19 Oktober 2025. Die afslagskode is slegs geldig vir een kaartjie per produksie met die Feesdriftige-pakkette en twee per produksie met die ander pakkette.

Lede kan kaartjies bespreek van 20 tot 25 Junie 2025, een volle week voordat die algemene publiek toegang kry. Die Woordfees sal telefonies of per e-pos met jou kontak maak om jou bespreking te finaliseer.

Lede ontvang die gedrukte feesgids per koerier vanaf 26 Junie 2025. Pendeldienskaartjies sal per e-pos of op aanvraag by ’n afhaalpunt beskikbaar wees voor die fees begin.

Die BBP-lokaal is ’n eksklusiewe ruimte waar Woordfeesweldoeners en Feesfilantrope verversings kan geniet en ontspan in die teenwoordigheid van kunstenaars, feesvennote en bedryfsrolspelers. Toegang vereis ’n spesiale akkreditasiekaart (akkreditasiekaarte kan een week voor die fees afgehaal word).

Indien jy nie kan bywoon nie, laat weet ons asseblief so spoedig moontlik sodat ons plek aan iemand anders kan aanbied. Ongelukkig is uitodigings na funksies nie vir geld verhandelbaar nie. Uitnodigings is ook nie oordraagbaar nie.

Bepalings en voorwaardes

Stellenbosch Woordfees-lojaliteitsprogram: Bepalings en voorwaardes

Hierdie bepalings en voorwaardes is van toepassing op alle deelnemers aan die Stellenbosch Woordfees-lojaliteitsprogram. Deur aan te sluit by die program, stem jy in tot die volgende reëls en riglyne:

Algemeen

  • Die lojaliteitsprogram is ’n jaarlikse intekening wat geldig is vir die 2025-fees.
  • Lidmaatskap is persoonlik en nie oordraagbaar nie.
  • Alle pakkette is onderhewig aan beskikbaarheid en kan sonder kennisgewing gewysig word

     

Lidmaatskap en betaling

  • Volle betaling moet geskied ten tyde van inskrywing tot ’n pakket om toegang tot voordele te verseker.
  • Geen terugbetalings van lidmaatskap sal gemaak word nie, behalwe indien die 2025-fees nie kan plaasvind nie.

     

Voordele
Voordele verskil per pakket en is duidelik uiteengesit in die onderskeie pakkette.

  • Afslag op kaartjies geld slegs vir uitgesoekte produksies en is onderhewig aan beskikbaarheid.
  • Pendeldiens-kaartjies, BBP-akkreditasie en uitnodigings na funksies word op vasgestelde datums uitgereik en is nie oordraagbaar of verhandelbaar nie.
  • Feesgidsaflewerings is onderhewig aan die akkuraatheid van die kontakbesonderhede verskaf.

Eksklusiewe geleenthede en toegang

  • Uitnodigings na spesiale geleenthede (bv. Woordfees-langtafel, BBP-ontbyt) is eksklusief aan lede van toepaslike pakkette en bywoning moet bevestig word voor die aangeduide sperdatum.
  • Die Stellenbosch Woordfees behou die reg voor om toegang tot funksies of voordele te weier indien die bepalings oortree word.


Verantwoordelikhede van lede

  • Lede is verantwoordelik om akkuraat en betyds te kommunikeer rakende hul besprekings en voorkeure ten einde volle benutting van hul pakket te geniet.
  • Lede onderneem om die waardes van die Stellenbosch Woordfees na te kom in hulle deelname.

     

Veranderings en kansellasies

  • Die Stellenbosch Woordfees behou die uitsluitlike reg voor om enige deel van die lojaliteitsprogram, insluitend pakkette, voordele of tydlyne, te verander of te kanselleer.
  • Enige wesenlike veranderinge sal betyds aan lede gekommunikeer word.


Privaatheid
Alle persoonlike inligting wat ingesamel word sal uitsluitlik gebruik word vir kommunikasie met lojaliteitslede en sal nie aan derdepartye verkoop of versprei word nie. Lede gee toestemming dat hul persoonlike inligting deur die Stellenbosch Woordfees gestoor word. 

Feesdriftige

Voordele: 

  • Ontvang die gedrukte feesgids gratis per koerier vanaf 26 Junie 2025.
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Een pendeldienskaartjie, geldig vir die volle duur van die fees (11 – 19 Oktober 2025).
  • 20% afslag vir een op uitgesoekte programitems – klik hier vir die lys.
Laai in mandjie

Feesmaats

Voordele: 

  • Ontvang die gedrukte feesgids gratis per koerier vanaf 26 Junie 2025.
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag vir twee op uitgesoekte programitems – klik hier vir die lys.
Laai in mandjie

Woordfeesweldoener

Voordele: 

  • BBP-parkering by die US Museum (feeskern) vir een voertuig, geldig vir die volle duur van die fees (11 – 19 Oktober 2025).
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Persoonlike aanbevelings oor die feesprogram met eksklusiewe toegang tot die Woordfeeskaartjieskantoor vir vroeë bespreking.
  • Twee uitnodigings na:
    – Programbekendstelling (kry jou feesgids hier)
    – Visuele kuns-opening
    – Stellenbosch Woordfees-langtafel
    – Spesiale funksie vir Woordfeesweldoeners
  • Persoonlike verblyfbespreking teen die onderhandelde Stellenbosch Woordfees-tarief.
  • Eksklusiewe toegang vir twee tot die Stellenbosch Woordfees se BBP-lokaal vir die volle duur van die fees, etes ingesluit (11 – 19 Oktober 2025).
  • Spring lang rye vry – kry prioriteitstoegang by feeslokale met twee spesiale BBP-akkreditasiekaarte.
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag vir twee op uitgesoekte programitems – klik hier vir die lys.
Laai in mandjie

Feesfilantroop

Voordele: 

  • Twee BBP-parkeerplekke by die US Museum (feeskern) vir twee voertuie, geldig vir die volle duur van die fees (11 – 19 Oktober 2025).
  • Bespreek feeskaartjies een week voordat kaartjieverkope vir die algemene publiek open (20 – 25 Junie 2025).
  • Persoonlike aanbevelings oor die feesprogram met eksklusiewe toegang tot die Woordfeeskaartjieskantoor vir vroeë bespreking.
  • Twee uitnodigings na:
    – Programbekendstelling (kry jou feesgids hier)
    – Visuele kuns-opening
    – Stellenbosch Woordfees-langtafel
    – Spesiale funksie vir Feesfilantrope
    – Twee uitnodigings na ’n eksklusiewe ontbytsessie met kunstenaars en lede van die Stellenbosch Woordfees-direksie
  • Persoonlike verblyfbespreking teen die onderhandelde Stellenbosch Woordfees-tarief.
  • Eksklusiewe toegang vir twee tot die Stellenbosch Woordfees se BBP-lokaal vir die volle duur van die fees, etes ingesluit (11 – 19 Oktober 2025).
  • Spring lang rye vry – kry prioriteitstoegang by feeslokale met twee spesiale BBP-akkreditasiekaarte.
  • Twee pendeldienskaartjies, geldig vir die volle duur van die fees (11 – 19 Oktober 2025).
  • 20% afslag vir twee op uitgesoekte programitems – klik hier vir die lys.
  • Jy maak dit moontlik vir 40 leerders (van jou keuse van skool) om ’n produksie by die Stellenbosch Woordfees by te woon.
  • Die opsie om jou naam in die feesgids of op die webwerf te laat plaas.
Laai in mandjie