TEGNIESE ASSISTENT

Oorsig

Die Stellenbosch Woordfees, een van die grootste kunstefeeste in Suid-Afrika, is op soek na ’n georganiseerde en energieke Tegniese assistent om by ons span aan te sluit vir die 2026-fees. 

Dit is ’n ideale geleentheid vir iemand met ’n passie vir die kunste, sterk administratiewe vaardighede en ’n belangstelling in tegniese produksiebestuur.

Postermyn: 1 Maart 2026 tot 30 November 2026 

Tipe pos: Deeltyds

Verantwoordelikhede

Die tegniese assistent werk saam met die Tegniese bestuurder en vervul die volgende rolle:

Administratiewe bestuur:

• Verskaf algehele administratiewe ondersteuning aan die Tegniese bestuurder.
• Ondersteun met die algemene bestuur van die Woordfees-stoor.
• Verleen hulp met post-produksie-administrasie na afloop van die fees.

Dokumentasie en inligting:

• Help met die voorbereiding, opdatering en verspreiding van tegniese dokumentasie.
• Opvolg van uitstaande produksie-inligting en kommunikasie van veranderinge aan relevante partye.
• Nagaan van skedulering en programinligting vir akkuraatheid in die feesgids, op die webwerf en op Quicket.

Vergaderings:

• Bywoning van tegniese produksievergaderings (soos nodig), insluitend die opstel van agendas en die skryf van notules.

Fees-ondersteuning en -personeel:

• Praktiese en administratiewe ondersteuning tydens inrigting, tegniese intrekke, asook tydens die fees.
• Hulp met die koördinering van tegnici en die studente-internskapprogram.
•  

Vereiste vaardighede 

Administrasie: Sterk administratiewe en organisatoriese vaardighede is uiters belangrik. 

Akkuraatheid: ’n Hoë vlak van akkuraatheid met uitstekende aandag aan detail.

Kommunikasie: Goeie skryf- en mondelinge vaardighede in beide Afrikaans en Engels.

Druk- en tydsbestuur: Die vermoë om goed onder druk te werk en verskeie take gelyktydig te hanteer in ’n vinnige bedryfsomgewing. 

Bedryfskennis: Kennis van die teater- of feesomgewing is ’n vereiste. ‘n Tegniese agtergrond sal sterk in jou guns tel.

Stuur jou CV per e-pos na aansoek@woordfees.co.za. 

Sluitingsdatum: Maandag,16 Februarie 2026, 17:00.