Tydelike werk

Bemarkingsassistent

Dienstydperk: 4 Mei – 30 Oktober
Werksure: 08:30 – 16:30 | Maandag – Vrydag
Werksplek: Erfurthuis, Ryneveldstraat 37, Stellenbosch

Die Bemarkingsassistent ondersteun daagliks die Toyota Stellenbosch Woordfees se Bemarkingspan. Dis ’n taakgedrewe, praktiese rol geskik vir iemand wat ervaring wil opdoen, en wat georganiseerd en gemaklik is om agter die skerms te werk, asook in die feesomgewing.

Die rol fokus op ondersteuning met opdaterings, die voorbereiding van bemarkingsmateriaal, administratiewe koördinering en algemene ondersteuning in die aanloop tot die fees, asook tydens die fees. 

HOOF-TAKE

Webwerf en digitale steun 

  • Help met die oplaai van programitems op die Toyota Stellenbosch Woordfees se webwerf
  • Help met die opdatering van programbeskrywings, -foto’s en -datums 
  • Help met die aanpassing van foto-groottes vir die webwerf en die kaartjievendor 
  • Help met gehaltebestuur en die byhou van programinligting 
  • Help met die oplaai van akkommodasievennote op die webwerf 
  • Help skep en organiseer aanlyn fotogalerye 
  • Help met die opdatering van eksterne geleenthede wat aanlyn gelys word


Bemarkingsmateriaal en reklamesteun

  • Help met die voorbereiding van inhoud vir plakkate, pamflette, banniere en advertensies
  • Help om korrekte programinligting op ontwerpstemplate te voeg
  • Help met die voorbereiding van foto’s en grafika vir drukwerk en digitale gebruik
  • Help met die koördinering van drukwerk en produksie met verskaffers
  • Help met die oprig en monitor van bemarkingsmateriaal in die aanloop tot die fees.  


Feesgidssteun

  • Help met die bestuur van die feesgids-afleweringslys
  • Kontak verspreidingspunte om aflewerings te bevestig 
  • Help met die verpakking en verspreiding van feesgidse
  • Laai en bestuur vragbriewe vir feesgidsverspreiding
  • Help monitor feesgidsvoorraadvlakke


Kaartjieverkope, geleenthede en aktiverings 

  • Help met promosionele aktiwiteite wat daarop gemik is om kaartjieverkope te verhoog
  • Help met die opstel en uitvoer van bemarkingsaktiverings en feesgeleenthede
  • Laai fees- en borgskapinhoud op venue-skerms
  • Verteenwoordig die fees op ’n vriendelike en professionele manier tydens aktiverings


Lojaliteitsprogram en databasisse

  • Help bemark die Stellenbosch Woordfees-lojaliteitsprogram
  • Help met die opdatering en instandhouding van bemarkingsdatabasisse 
  • Help met uitreikveldtogte aan boekklubs en gemeenskapsgroepe 
  • Help met die voorbereiding van veldtogte en geskenkpakkies vir bemarking- en publisiteitsdoeleindes


Kommunikasie en navrae

  • Help met die skryf van algemene bemarkingskopie 
  • Help bestuur die navrae-e-posadres en reageer professioneel en vriendelik 
  • Verkry inligting by die interne span wanneer jy onseker is oor hoe om te reageer 
  • Help met die proeflees en gehaltebestuur van kommunikasie 


Sosiale-media-steun

  • Argiveer weekliks die fees se sosiale-media-voetspoor vir verslagdoeningsdoeleindes
  • Help met kompetisies en aanlyn veldtogte


Beeldmateriaal- en inhoudsbestuur

  • Help met die verkryging en grootte-aanpassing van foto’s en grafika vir digitale gebruik 
  • Help om foto’s te organiseer en te argiveer 
  • Help met die koördinering van fotograwe tydens die fees 


Ondersteuning in die veld

  • Help met die installasie van plakkate, bemarkingsmateriaal en PVC-banniere 
  • Help met die installasie van viniel
  • Algemene ondersteuning tydens die oprigting en bedryf van die fees 


Algemene administratiewe steun

  • Algemene administratiewe steun aan die Bemarkingspan 
  • Help met die voorbereiding van aanbiedings en dokumente 
  • Help bestuur bemarkingsverwante logistiek 
  • Help met adhoc-take in besige tye 
  • Verkry kwotasies en tariefkaarte by verskaffers 


Take na afloop van die fees

  • Help met die opstel van interne-, borgskap- en bemarkingsverslae
  • Help met die argivering van bemarkingsmateriaal, -bates en -data
  • Neem deel aan terugvoersessies en administrasie na afloop van die fees


Vereiste vaardighede en kwalifikasies

  • ’n Voltooide graad of diploma in bemarking, kommunikasie of ’n verwante veld
  • Tussen 1 tot 2 jaar se ervaring in bemarking, kommunikasie, die reël van geleethede of ’n verwante veld (internskappe ingesluit)
  • Goeie skryf- en kommunikasievaardighede
  • Aandag vir detail
  • Georganiseerd en gemaklik met prosesse
  • Gemaklik met digitale platforms
  • Virendelike en professionele kommunikasiestyl
  • Bereid om buigsame ure te werk
  • Basiese Canva-vaardighede
  • Eie skootrekenaar word vereis
  • WordPress-ervaring is voordelig, maar nie ’n vereiste nie


Sluitingsdatum: 6 Maart 2026 om 17:00.

Publisiteits-assistent (PR)

Dienstydperk: 4 Mei – 30 Oktober
Werksure: 08:30 – 16:30 | Maandag – Vrydag
Werksplek: Erfurthuis, Ryneveldstraat 37, Stellenbosch

Die Publisiteits-assistent (PR) ondersteun die PR-span met die beplanning, koördinering en uitvoer van publisiteits- en kommunikasieveldtogte – in die aanloop tot die fees sowel as gedurende die fees.

Hierdie rol kombineer administratiewe, logistieke en kreatiewe take en vereis organisatoriese-, digitale-, kommunikasie- en skryfvaardighede.

HOOF-TAKE

  • Help met die verkryging van multi-mediahulpbronne vir kommunikasieveldtogte:
    • Lig sosiale-media-span toe oor behoeftes vir bemarkingsmateriaal vir persvrystellings, nuusblogs en nuusbriewe wat deur die PR-beampte voorberei word. 
    • Help PR-beampte met die oplaai van nuusblogs, nuusbriewe en bemarkingsmateriaal op die webwerf. 
  • Help PR-span met medianavrae:
    • Help om persvrystellings (wat deur die PR-beampte voorberei word) met die media te deel 
    • Help om oudio-visuele elemente (wat deur die Sosiale-media-span voorberei word) met die media te deel 
    • Help om kontakbesonderhede vir onderhoude met die media te deel
  • Help Bemarkingspan:
    • Help om sosiale-media-kopie te proeflees of te skryf wanneer dit versoek word 
    • Help met die skedulering van aanbieders vir konserte by die Jan Marais-natuurreservaat wat tydens die fees plaavind (3 tot 11 Oktober 2026). 
  • Help PR-beampte om media-akkreditasie te fasiliteer: 
    • Help met die ontvangs, organisering en deurgee van mediakaartjieversoke
    • Help met die byhou van die media-akkreditasiedatabasis
  • Help met die monitering en argivering van mediadekking:
    • Help om die mediamoniteringsmaatskappy toe te lig oor opkomende uitsaaidekking 
    • Argiveer nuusbriefinsetsels vir elke aangewese borg 
  • Help met die koördinering van mediageleenthede en -veldtogte 
  • Help met die reël van radio-onderhoude in die aanloop tot die fees (met die moontlikheid van onderhoudsversoeke wat tydens die fees ook opkom)


Take na afloop van die fees

  • Help met die argivering van PR-materiaal en -data vir interne-, borgskap- en bemarkingsverslae.  
  • Neem deel aan terugvoersessies en administrasie na afloop van die fees. 


Vereiste vaardighede en kwalifikasies

  • Diploma of graad (gewerf of in proses) in PR, joernalistiek, bemarking, kommunikasie of ’n verwante veld. 
  • Goeie skryf- en kommunikasievaardighede in Afrikaans en Engels
    • Aandag vir detail met uitstekende taalvaardighede. 
    • Die vermoë om beide kreatief en korporatief te kan skryf 
  • Die vermoë om verskeie take gelyktydig te hanteer en spertye te haal
  • Vaardig in Microsoft Office en / of Google Workspace
  • Ervaring met WordPress, ’n soortgelyke webwerfplatform, of die bereidwilligheid om te leer. 


Sluitingsdatum: 6 Maart 2026 om 17:00.

Navrae

Vir enige navrae, stuur e-pos aan: aansoek@woordfees.co.za