Die benoemings vir vanjaar se Toyota US Woordtrofees-toekennings is pas bekend gemaak. Die wenners, wat elkeen ’n oorkonde en ’n bedrag geld sal ontvang, word op 10 November by ’n toekenningsgeleentheid by Johannesdal 1207, tussen Kylemore en Pniël, aangekondig.
Gillian Mitchell was die sameroeper van die Woordtrofees-beoordelaarspaneel, wat bestaan het uit Conroy Cupido, Jefferson Dirks-Korkee, Gustav Franzsen, Geoff Hyland, Athina Jansen, Rafiek Mammon, Jill Markram, Gary Naidoo, Jennie Reznek, Francois Tredoux, Naudé van der Merwe, Robin van Wyk en Maria Vos.
“Die eerste in-persoon Woordfees sedert 2020 het,” volgens Mitchell, “groot én intieme werk op die planke gehad; werk wat tot trane geroer het en werk wat jou uit jou maag laat lag het – ’n onvergeetlike uitdrukking van daardie onbreekbare band tussen die uitvoerende kunste en ons geleefde ervarings. Hoewel die fees vanjaar kleiner was, was dit geen minder van ’n uitdaging vir paneellede om op die benoemings in die onderskeie kategorieë ooreen te kom nie. Produksiestandaarde was hoog en die kompetisie straf tussen werke wat ’n verskeidenheid onderwerpe en kwessies met groot sensitiwiteit en opwindende kreatiwiteit aangepak het.”
’n Aantal spesiale pryse sal toegeken word en die topboekverkopers by die fees in vier verskillende genres (Leefstyl, Poësie, Niefiksie en Prosa) sal ook aangewys word. In hierdie Woordtrofees-kategorieë is daar egter geen kortlyste nie.
Die benoemings, gelys in alfabetiese volgorde, is:
KLASSIEKE MUSIEK
Beste prestasie: Klassieke musiek – vokaal
Handel at Home
Le Roux Marais – Pionier
Liedmuses: Boulanger, Bonds & Larsen
Universiteitskoor Stellenbosch Galakonsert
Beste prestasie: Klassieke musiek – instrumentaal
Bach (to a) Blast!
Late (and Last) Works of Schubert, Brahms and Debussy
Pots & Pans, with Strings & Things
The Black Saint and the Sinner Lady
KONTEMPORÊRE MUSIEK
Beste prestasie: Kontemporêre musiekproduksie (podium) – solo/duo-gedrewe
Elvis Blue: Meer as genoeg
Femme is fatale
Skoonveld
Beste prestasie: Kontemporêre musiekproduksie (podium) – ensemble
Afrika-blues
Kitaarkonings
SU Jazz Band
Beste prestasie: Kontemporêre musiekproduksie – buitelug
Dr Victor & The Rasta Rebels
Eet kreef! Herleef
Francois van Coke
DANS
Beste prestasie: Dans
Ané Koegelenberg – ’n Gek vir jou
Simone Neethling – Die sewe doodsondes
Manacan & Jazzart Dance Theatre – Survive
Beste opkomende kunstenaar
Adriaan Havenga – Iewers in die grys (teks)
Jacobus de Jager – Bach (to a) Blast! (dirigent)
Simone Neethling – Die sewe doodsondes (dans)
TONEEL
Beste byspeler (manlik)
Dawid Minnaar – Die moeder
Gideon Lombard – The Unlikely Secret Agent
Wessel Pretorius – The Unlikely Secret Agent
Beste byspeler (vroulik)
Ashley de Lange – Die moeder
Karli Heine – Met liefde, Vincent
Nichola Viviers – Afval
Beste speler (manlik)
AndrewBuckland – Firefly
Edwin van der Walt – Terminaal 3
Frank Opperman – Ek wens, ek wens
Marlo Minnaar – Die halwe huis
Beste speler (vroulik)
Bianca Le Grange – Die sewe doodsondes
René Cloete – Iewers in die grys
Sandra Prinsloo – Die moeder
Sophie Joans – Île
Beste Ensemble
Afval – Die geselskap
Concerning the Life of Babyboy Kleintjies – Carlo Daniels, Elton Landrew, Marlon Swarts
Die moeder – Die geselskap
Die sewe doodsondes – Die geselskap
Beste regisseur
Christiaan Olwagen – Die moeder
Matthew Wild – Die sewe doodsondes
Paul du Toit – The Unlikely Secret Agent
Philip Rademeyer – Ek wens, ek wens
Beste toneelstuk
Die moeder
Die sewe doodsondes
The Unlikely Secret Agent
Beste debuutteks
Adriaan Havenga – Iewers in die grys
Beyers de Vos – Die Suid-Afrikaners
Jason Jacobs – Kraal
Veels geluk aan al die benoemdes!
