Wees bly – vir Bly Vrydag 

Die Toyota US Woordfees bied op Bly Vrydag, 29 Septemer 2023, meer as ’n 1 000 kaartjies vir vanjaar se fees teen afslag van 20%-80% aan. Alle kaartjies wat op die Bly Vrydag-uitverkoping beskikbaar is, sal teen slegs R40 een verkoop word. Verskeie gelukkige trekkings en kompetisies sal ook deur die loop van die dag plaasvind.  
 
“Ons wil soveel moontlik Stellenbossers die kans gee om aanbiedings tydens die fees by te woon. Ons versoek dus mense wat volpryskaartjies kan bekostig vriendelik om nie van die spesiale aanbiedings op Bly Vrydag gebruik te maak nie,” sê Saartjie Botha, direkteur van die Toyota US Woordfees.  

Bly Vrydag werk só:  

• Kopers kan met kontant of ’n bankkaart betaal.  
• Afslagkaartjies is slegs by die drie ondergenoemde punte beskikbaar en slegs tydens die aangeduide tye.  
• Die aanbod geld net vir uitgesoekte vertonings.  
• Die aantal afslagkaartjies per vertoning is beperk.  
• ’n Vaste aantal kaartjies word per verkoopspunt beskikbaar gestel.   

• ’n Maksimum van twee kaartjies per persoon per vertoning by elke verkoopspunt.   
• ’n Maksimum van ses kaartjies in totaal per persoon per verkoopspunt.  
• Vir R40-kaartjies kan geen besprekings of telefoonbesprekings gemaak word nie. Die uithou of omruil van Bly Vrydag-kaartjies is nie moontlik nie.  
•  

Verkoopspunte vir Bly Vrydag: 

07:00 – 08:30: Hoërskool Lückhoff  
10:00 – 11:30: Erfurthuis, Ryneveldstraat 37 
12:30 – 14:00: Frank’s Heaven Crèche in Kylemore 
17:00 – 18:30: Erfurthuis 

Hier is die lys van produksies waarvoor afslagkaartjies beskikbaar sal wees: