• Administratiewe ondersteuning aan die programspan en -koördineerders. 
• Invordering en verwerking van kontrakte en fakture, asook die laai van betalings op die stelsel. 
• Koördinering van vlugbesprekings: Skakeling tussen kunstenaars en lugrederye. 
• Koördinering van verblyf: Skakeling tussen kunstenaars en gastehuise, insluitend kommunikasie rakende verblyfbesonderhede aan kunstenaars. 
• Opstel en uitstuur van kunstenaarsinligtingsbriewe. 
• Bestuur van die akkreditasie-stelsel tydens die fees. 
• Bestuur van die kunstenaarsverkope-stelsel tydens die fees. 
• Ondersteuning met die rekonsilliasieproses na afloop van die fees. 

Kwalifikasies & vaardighede

• Minimum van 3 jaar toepaslike werksondervinding in ‘n administratiewe, logistieke of projekkoördineringsrol. Ondervinding in die fees-, kuns- of eventsbedryf is ‘n sterk aanbeveling. 
• ‘n Geldige bestuurslisensie.
• ‘n Naskoolse kwalifikasie (diploma of graad). ‘n Kwalifikasie in administrasie, die kunste of ‘n verwante rigting sal in jou guns tel.
• Uitstekende taal- en kommunikasievaardighede (skriftelik en mondelings) in Afrikaans en Engels.
• Sterk rekenaarvaardighede en die vermoë om vinnig nuwe digitale stelsels te bemeester. 
• Ervaring met Airtable is voordelig.

Persoonlike eienskappe:

• ‘n Belangstelling in die kunste- en kultuursektor.

• Sterk organisasievermoë
• Uitstekende tydsbestuur en die vermoë om noukeurig en detail-georiënteerd te werk met veelvuldige logistieke take gelyktydig.
• Die vermoë om effektief onder hoë druk en streng spertye te funksioneer, veral tydens die aanloop tot en gedurende die fees.
• Gasvry, geduldig en professioneel in die hantering van kunstenaars en diensverskaffers.
• Bereidwilligheid om langer ure te werk en naweke te werk indien nodig. 

Om aansoek te doen, stuur jou CV na aansoek@woordfees.co.za en gebruik Aansoek: Program-assistent in die onderwerp van die e-pos. 

Die sperdatum vir aansoeke is 31 Julie 2026.