Eggo’s van Latyns-Amerika | Echoes of Latin-America

Met Valentina Koleva-Vorster(viool), Renée van der Westhuizen (viool), Karin Gaertner(altviool), Dane Coetzee (tjello), Nina Fourie-Gouws(kitaar)

Die Da Cape’O-strykkwartet bied ’n opwindende program aan wat die ryk en diverse klankwêreld van Latyns-Amerikaanse komponiste ten toon stel. In hierdie konsert sluit die bekroonde kitaarspeler Nina Fourie-Gouws haar by die kwartet aan, wat ‘n bykomende dimensie aan die musiek verleen. Die program sluit werke in van onder andere Heitor Villa-Lobos (Brasilië), Manuel Ponce (Mexiko) en Astor Piazzolla (Argentinië), en beklemtoon die ritmiese lewenskragtigheid, liriese kwaliteit en ekspressiewe diepte wat kenmerkend is van Latyns-Amerikaanse klassieke musiek.