Our Bodies Remember

Our Bodies Remember is ‘n dubbelprogram deur Jazzart Dance Theatre se kunstenaars-in-residensie vir 2026, Chesney Stanfield en Lihle Mfene. Deur twee afsonderlike werke, Unveil en Ancient Souls, word herinnering ondersoek as iets wat nie net in die verstand leef nie, maar ook in die liggaam, die gees en die ruimte tussen wie ons was en wie ons besig is om te word.

Chesney Stanfield se Unveil vra wat dit beteken om deur die lewe te beweeg sonder om werklik bewus te wees van jou eie wording. Met beelde van sluiers, spieëls en kettings ondersoek die werk traagheid, die skadukant van die self en selfherkenning. Terwyl sommige hul sluiers begin lig, bly ander bedek en word hulle gekonfronteer met die gerief van behorendheid en die moeilike, maar noodsaaklike daad van ontwaking.
In Ancient Souls verbeel die choreograaf Lihle Mfene ‘n wêreld tussen lewe en dood, waar siele terugkeer, bevry van die beperkings van geslag en fisieke gestalte. Hierdie oeroue wesens beweeg deur die ruimte en herken hulself deur mekaar.

Saam vertel hierdie werke van transformasie, besinning en die onsigbare kragte wat ons vorm. Our Bodes Remember nooi gehore uit na ‘n wêreld waar die liggaam herinneringe onthul.

Choreografie Chesney Stanfield, Emile Petersen and Lihle Mfene