3 – 11 OKT 2026
Creative Blockdeur die Spier-kunstetrust bied ‘n unieke manier om na die werk van kontemporêre kunstenaars te kyk en dit te koop. Al die kunswerke het dieselfde vasgestelde formaat, en almal is beskikbaar teen dieselfde billike prys, maar die stories, style en mediums verskil hemelsbreed. Meer as 400 kunstenaars se werk vorm deel van die projek, […]
Met Niël Rademan(bariton),Paulina Malefane(sopraan), Stadskoor(o.l.v. Pieter Bezuidenhout),Treble Clefso.l.v. Elaine Johnson, Elna van der Merwe(klavier) Gehore word uitgenooi na ’n aangrypende vokale musiekuitvoering waarin tydlose werke van geloof en kuns saamgebring word. Die program neem jou op ’n reis van eerbied en passie waar ‘n ligte klassieke repertorium verweef word met die diepgaande resonansie van heilige […]
Die Stellenbosse sensasie Spoegwolf het die musiekwêreld 15 jaar gelede soos ‘n bom getref, en sedertdien is hulle liedjies al meer as 214 miljoen keer op stromingsdienste geluister. Hulle was die eerste Suid-Afrikaanse kunstenaars wat in 2019 die topposisie op die Apple-trefferparade beklee het. Hulle optrede by die Woordfees – op hul tuisdorp – beloof […]
Met Stadskoor | -Choir | -iKwayara Stadskoor | -Choir | -iKwayara beloof ’n onvergeetlike ervaring met dié nuwe produksie wat Bibi Slippers se digbundel Soekenjin as bronteks gebruik. Deur ’n kombinasie van nuwe gekomponeerde koormusiek en evokatiewe klanklandskappe verander Slippers se woorde in ’n ryk tapisserie van klank, ritme en emosie. ’n Keur van Slippers […]
Kom verken Idasvallei op ’n staptoer saam met die mense van dié buurt. Ons gaan gesels oor die natuur en ons taal en kultuur terwyl ons die sonopkoms geniet met ’n koffie en ’n lekker koesister of roosterkoek in die hand. Wie was Ida? Wie was Francois Villion en wat het jare gelede aan die […]
Met Toast Coetzer, Austin Lawrence Ontdek die Dwarsriviervallei deur stories en fotografie. Die ervaring begin by die Le Pommier-wynlandgoed, waarna gaste geneem word na die Dwarsrivier-inligtingsentrum vir die begin van die staptog deur Pniel, Johannesdal en Kylemore. Die roete word weer by Le Pommier afgesluit met ’n ligte middagete. Verversings langs die pad ingesluit. Ondersteun […]
Met Sophia van Taak en Austin Lawrence Begin die dag vroegoggend tussen die berge van die skilderagtige Dwarsriviervallei. Die sirkelroete loop van Villa Verde in Johannesdal tot by Silvermyn en weer terug, en ingesluit by jou staptog is stories, natuurskoon en vars berglug. Terug by Villa Verde wag ’n ligte ontbyt. Verversings onderweg ingesluit. Ondersteun […]
Yin-Zhe Magesels oor ses belangrike evolusionêre tydperke van die heelal, Catherine du Toit lees gedigte voor, met agtergrondmusiek wat gekomponeer is deur Zurab Janelidze en Hans Roosenschoon. Dit word gevolg deur ‘n dialoog tussen wetenskaplikes en kunstenaars, en afgesluit met ‘n verkenning van die naghemel deur draagbare teleskope.
’n Gesprek oor die stygende lewenskoste, eiendom en deelname in Stellenbosch. Raak die dorp ál meer buite bereik van studente, werkers en plaaslike gemeenskappe?
’n Gesprek oor die veranderende verhouding tussen Stellenbosch en die universiteit met fokus op toegang, taal, transformasie en die rol van die instelling binne die breër gemeenskap.
Jamestown, ’n histories landelike dorpie aan die buitewyke van Stellenbosch, dra ’n unieke erfenis van meer as 124 jaar. Gestel dié gemeenskap kan ’n bloudruk wees vir maatskaplike kohesie in Suid-Afrika – terwyl inwoners die hedendaagse uitdagings van saamleef hanteer. Melanie du Bois en ander inwoners van Jamestown gesels saam.
Die Stellenbosch-eisteddfod vier 90 jaar van kreatiewe uitnemendheid op ‘n luisterryke wyse met ’n glansryke feeskonsert waarin voormalige pryswenners hulle talent ten toon sal stel.
